Die verlede

Marion het Drama studeer aan die Universiteit van Stellenbosch en was in die volgende studente produksies.

Direk na universiteit is Marion aangestel by die destydse KRUIK (Kaapse Raad vir Uitvoerende Kunste). In haar tyd by KRUIK het sy in die volgende verhoogproduksies gespeel.

Hierna het Marion besluit 'n verandering sal goed wees, en by SUKOVS aangesluit. Daar het sy die volgende produksies gedoen.

Hierna besluit Marion om heeltemal die bedryf te verlaat en sy gaan werk in Hermanus by die Ou Hawe Museum as 'n assistent. Daarna lei die lewe haar Johannesburg toe, waar sy by 'n in- en uitvoermaatskappy, Sukhulu Holdings, ontvangsdame is asook die skakelbord beman het.

Daarna gaan werk sy by Leads Artiste Agency (ook in Johannesburg) as kunstenaarsagent. Na dit het sy vir 'n ruk sinchronisasiebande vir oorklanking geskryf by die SAUK, alvorens sy by Principal Casting as rolverdelingsregisseur begin werk het. Mettertyd het dit so goed gegaan daar dat sy en 'n vennoot, Margie Fischer, die maatskappy gekoop het. Principal Casting het so gegroei, dat sy en Em selfs 'n Kaapse tak oopgemaak het. Marion het Principal Casting besit en bedryf tot sy teruggetrek het Kaap toe.

In die Kaap gekom (begin 2000) het sy enige vryskutwerk gevat wat die huur kon betaal: rekenaarwerk by Intec, gehoor opwarm by Liriekeraai, deelnemers koördineer by Liriekeraai tot by deelnemers werf en keur vir die televisieprogram Greed. Dit was dan ook juis as gevolg van hierdie produksiewerk dat Casper de Vries haar toe bel en vra om die produksie van die Casper Rasper Show waar te neem. En daar trek Marion toe weer op Johannesburg toe - hierdie keer egter net vir 3 maande. En terwyl sy produksiewerk doen op die CRS, span Casper haar sommer in om in 'n paar tonele te speel ook. En Marion voel weer hoe lekker dit kan wees om toneel te speel. Die volgende jaar was dit Die Casper Rasper 2 en steeds doen sy produksiewerk daarop, maar speel ook gereeld in sketse.

Dieselfde jaar vra Carien Loubser vir Marion om deel te wees van Doller As Kop-Af. Daarna het Jong Dames Dinamiet gevolg, die jaar daarna Anna Se Engel en toe is Marion weer voltyds terug in die bedryf. Vandat sy die bedryf verlaat het, en net hier en daar iets vir die verhoog gedoen het, lyk die lysie soos volg.

In terme van regie, televisie, radio en oorklanking, lyk die prentjie soos volg.

TELEVISIE

RADIO EN OORKLANKING

Verskeie dramas en vervolgverhale, byvoorbeeld "Die Donker" (1986) geregiseer deur Margot Luyt, "Die Voorbladnooi" (1989) geregiseer deur Anton Smith en "Tussenspel by 'n Bushalte" (1989) ook geregiseer deur Anton Smith.

TELEVISIE ADVERTENSIES

1992 Baker's Tennis Biscuits
1992 Marmite
1993 Heart Foundation Diet LIne

NOMINASIES EN TOEKENNINGS

1983 USAT Prys vir BESTE BYSPELER as Inès in In Camera
1986 Fleur du Cap Nominasie vir MEES BELOWENDE STUDENT
1988 Fleur du Cap Nominasie vir BESTE AKTRISE as Ma Ubu in Ubu Roi
1989 Fleur du Cap Nominasie vir BESTE BYSPELER as Dorine in Tartuffe
1990 Cobus Rossouw Toekenning (as lid van SUKOVS toneelgeselskap)